live124578 (live124578) wrote,
live124578
live124578

Новому́ченицы Росси́йстии, кро́вию свое́ю ве́ру запечатле́вшии...

Новому́ченицы Росси́йстии, кро́вию свое́ю ве́ру запечатле́вшии, Влады́ку всех моли́те Це́рковь Ру́сскую в Правосла́вии утверди́ти, зе́млю на́шу от скверн очи́стити, лю́ди во благоче́стии сохрани́ти во о́бщее всех спасе́ние.
Мужа́йся, Христо́ва Церковь, и держа́вствуй над всу́е борю́щими, Христо́ви бо дру́зи о тебе́ пеку́тся, и предстоя́ще, и обстоя́ще, ихже о́бщий пра́здник ны́не соверша́еши све́тло.
Земле́ Ру́сская,/ гра́де святы́й ,/ украша́й твой дом,/ в не́мже Боже́ с твенный // ве́лий сонм святы́х просла́ви.
Це́рковь Ру́сская,/ красу́йся и лику́й ,/ се бо ча́да Твоя́/ Престо́лу Влады́чню// во сла́ве предстоя́т, ра́дующеся.
Собо́ре святы́х ру́сских,/ по́лче Боже́ственный,/ моли́теся ко Го́споду/ о земно́м оте́честве ва́шем// и о почита́ющих вас любо́вию.
Но́вый до́ме Евфра́фов,/ уде́ле избра́нный,/ Русь Свята́я,/ храни́ ве́ру Правосла́вную,// в не́ йже тебе́ утвержде́ние.
Страда́ньми и испове́данием Христа́, святи́и сро́дницы на́ши,/ вше́дше в Небе́сная селе́ния, я́ко дре́вле Изра́иль в зе́млю обетова́нную,// оте́чество ва́ше земно́е, Русь Святу́ю, в любви́ сохраня́йте моли́твами ва́шими.
Безбо́жнии Ка́иновы вну́цы святы́ни церко́вныя поруга́нию и огню́ преда́ша,/ оби́тели разори́ша, хра́мы я́ко ово́щная храни́лища соде́яша,/ христолюби́выя лю́ди в темни́цы заключи́ша и уму́чиша./ Вы же, страстоте́рпцы, с любо́вию учи́ли есте́:// сие́ бысть по грехо́м на́шим, лю́дие , пока́йтеся
Егда́ земля́ Росси́йская тьмо́ю безбо́жия и Ка́иновым озлобле́нием объя́та бысть,/ тогда́ мно́зи христолюби́вии лю́дие на го́рькия рабо́ты изгна́ни бы́ша / и глад, мраз, зной и смерть лю́тую му́жественне претерпе́ша,/ ве́рою же, наде́ждею и любо́вию совоку́плени,/ досто́йную воспева́ху песнь:// да благослови́т Го́спода Русь Свята́я и превозно́сит Его́ во ве́ки.
Tags: Бог, Христос, православие, святые, христианство, церковь
Subscribe
  • Post a new comment

    Error

    default userpic

    Your reply will be screened

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments